കണ്മണിയായെന്നെ കാത്തീടണേ നിൻ അകതാരിൽ അലിയാനായ് ചേർത്തീടണേ മനമൊന്നു നീറുമ്പോൾ മനസാകെ നിറയുന്ന സ്നേഹത്താൽ എന്നെ നീ ചേർത്തീടണേ. (കണ്മണി ) അലിവാർന്ന നിൻമനം അറിയാതെ നിന്ന ഞാൻ നിന്നിൽ നിന്നകലേക്കകനീടുന്നു എന്നും കുഞ്ഞാടിനെപ്പോലെ നിൻതോളിലേറുവാൻ എന്നുള്ളം കൊതിച്ചീടുന്നു... കരുണമയാ കനിവേകിടൂ നിന്നെ അറിയാനായ് എന്നുള്ളിൽ അറിവേകിടൂ (2) ( കണ്മണി ) നിന്റെ നെഞ്ചിന്റെ താളത്തിൽ ഒന്നായി ചേരുവാൻ എന്നുള്ളം തുടിച്ചീടുന്നു ഈ ലോകജീവിതം വഴിമാറിപോകാതെ എന്നെ നീ എന്നെന്നും കാത്തീടണേ നല്ലിടയാ നയിച്ചീടുനീ എൻജീവിതം നിന്റെതാക്കീടുനീ.. (2) ( കണ്മണി )